تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ... عبها اعفس العلبه... وحطّها بمخباته ... وقوله لاتطلعها من مخباتك الا اذا رحنا ...
خطأ : تحلق عند حلاق ... ومتحمس تعلمه سو جذيه ... وسوي جذاك ... وهو يقولك .. أنا في معلوم .. أنت بس ارتاح ... وتتركه ... وتلقاه حالقلك نص شنبك ... فتهزبه اهزاب ... وتحاسب وتطلع ... وتقول بنفسك والله مايي أحلق عنده مره ثانية ...
الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه قرعة ... ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
عقبها..
قول بينك وبين نفسك ... بحياتي ماحلق عنده ...
خطأ : تمشي بالحارة .... مثلا ساير المسجد ... و اييك ولد من اولاد الحارة ... ويفلعك بحصاة .. عقبها تلعن الشيطان وتعوذ من إبليس ... وتكمل دربك .. تقول ياهل ما ينلام ...
الصحيح : تاخذ لك بغرشة (سفن أب) ... وتعقها عليه ... إن ضربته ... فهو خير ونعمة ... وإن ماضربته ... خذ عصا .. وامسكه واجلده ... إن صاح خير ونعمة ... وإن ماصاح .. فاتركه ... ورح صل وخلص مشاويرك... عقبها ارجع له .. وتفرّغ له ... أكيد مب متحمل لمين وقت الصلاة الثانية ... وعلى مسؤوليتي بيصيح ...
خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..
الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يويلون حالها حال المطبات يعني
خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق حشرة وإزعاج ... ماتقدر تنام ... فتروح لهم .. وتدق عليهم ... وتقول لهم .. ترى سويتوا ازعاج وانا بنام ... عقبها ترجع .. وتلقاهم نفس الحالة .. فتقول .. الله يقطعهم ماخلوني أنام .. وتواصل للصبح ..
الصحيح : دق على محل ستالايتات ... وقوله نبيك تيي تركّب لنا الدش بالسطح ... ولاتنسى تجيب الدريل معك ... لأننا بنركب 15 دش .. الليلة .. ثم واصل للصبح ...
خطأ :متابع فيلم .. ومتحمس .. ثم ايي واحد من أخوانك ويغيّر القناة .. بدون مايشاورك ... عقبها تقوله ليش ياخي ماتشوفني متابع؟؟
الصحيح : صكه بالصينية ... ولحقه بنعال والا بطابوقة ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...
خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم .. والسموحه منكم..
الصحيح :المفروض تكتب اذا طولت هذا شيء راجع لى وبكيفى ..وإلا منو قال لكم تقرون موضوعي مع سلامي لأحلى أعضاء
